.....ein gwasanaethau

Materion Amaethyddol

Mae nifer fawr o gleientiaid y Cwmni yn ffermwyr ac felly mae gennym brofiad helaeth o ddelio â’r problemau a wynebir gan ein cleientiaid boed yn fusnesau ffermio a phartneriaethau, ystadau teulu neu dyddynod, yn faterion masnachol, personol neu deuluol.

Anghydfodau Sifil

Pan fydd anghydfodau sifil yn codi, gallwn helpu gyda chyfryngu neu ddod â'ch hawliad i'r llys. Mae gennym brofiad o ddelio ag anghydfodau eiddo ac adeiladau, problemau defnyddwyr, anghydfodau cytundebol neu anghydfodau o fewn y rhan fwyaf o feysydd cyfreithiol eraill. Rydym yn gwneud hawliadau ar sail 'Dim ennill dim ffi'.

Trosglwyddiadau Masnachol

Mae gennym brofiad o ddelio â gwahanol drafodion masnachol boed yn aseiniad syml prydles o eiddo masnachol i faterion mwy cymhleth gan gynnwys gwerthu neu gaffael cwmnïau neu faterion sy’n ymwneud â phartneriaethau.

Hawliadau Iawndal

Os cewch eich anafu mewn damwain efallai y bydd gennych hawl i gael iawndal os mai bai rhywun arall oedd y ddamwain. Os ydych chi'n credu bod gennych hawliad, cysylltwch â ni am ymholiad heb unrhyw rwymedigaeth. Rydym yn gwneud hawliadau ar sail 'Dim ennill dim ffi'.

Prynu a Gwerthu Eiddo

Rydym yn arbenigwyr wrth ddelio â phob mater sy'n ymwneud ag eiddo. Mae gan ein tîm o arbenigwyr flynyddoedd lawer o brofiad o weithredu ar gyfer perchnogion eiddo a hynny yn lleol ac yn genedlaethol.

Llys Gwarchod

Gallwn benodi atwrneiod i'ch helpu gyda'ch materion ariannol/eiddo neu faterion iechyd neu wneud cais i'r Llys Gwarchod i ddelio â materion ariannol neu faterion eraill sy'n ymwneud ag aelodau o'r teulu neu anwyliaid nad oes ganddynt y galluedd meddyliol sydd ei angen mwyach i wneud penderfyniadau o'r fath eu hunain.

Cyfraith Troseddol

Rydym yn Gyfreithwyr Cyfraith Troseddol profiadol a gallwn ddelio â materion o orsaf yr heddlu i achosion Llys y Goron gan gynnwys pob math o drosedd rheoleiddiol.

Cyflogaeth

Os ydych yn gyflogwr neu’n gyflogai gallwn eich helpu i ddelio ag unrhyw faterion cyflogaeth boed yn ymdrin â’r gwaith o baratoi dogfennau ar gyfer cychwyn cyflogaeth neu anghydfodau sy’n digwydd pan ddaw’r gyflogaeth i ben

Teulu / Ysgariad

Rydym yn cynnig ystod eang o wasanaethau i’n cleientiaid teulu o faterion ysgariad a gwahanu, i achosion sy’n cynnwys mynediad at ac amddiffyn plant. Mae gennym hefyd arbenigedd mewn gwaith Cyfraith Gyhoeddus a phob math o anghydfodau ynghylch Trefniadau Plant.

Ewyllysiau / Profiant

Mae Gwneud Ewyllys yn creu sicrwydd, yn lleihau pryder ac yn rhoi tawelwch meddwl i chi o wybod yn union beth fydd yn digwydd i'ch arian a'ch eiddo. Rydym hefyd yn arbenigo mewn gweinyddu ystadau p'un a adawodd yr ymadawedig Ewyllys a'i peidio.